Վրաստանի դպրոցներում ուսումնական գործընթացի դադարեցման հիմք այս պահին չկա. Վրաստանի ԿԳՄՍ

Վրաստանի կրթության, գիտության, մշակույթի և սպորտի նախարարությունում հայտարարում են, որ չնայած Վրաստանում կորոնավիրուսի դեպքի գրանցման՝  ո՛չ առողջապահության միջազգային չափանիշներով, և ո՛չ էլ առողջապահության նախարարության հանձնարարականով, այսօրվա դրությամբ ուսումնական գործընթացի դադարեցման հիմք չկա:

Այդուամենայնիվ, կանխարգելման և ռիսկերի արդյունավետ կառավարման նպատակով Վրաստանի կրթության, գիտության, մշակույթի և սպորտի նախարարությունը խստացնում է դպրոցներում սանիտարական նորմերը:

«Մասնավորապես, աշակերտների առողջության, կրթական գործընթացի արդյունավետության և դպրոցներում առողջ միջավայր ստեղծելու համար, նախարարության կողմից սանիտարիայի և հիգիենայի նորմերի պաշտպանության համար, դպրոցներում խստացվում են միջոցները: Հետևաբար, տեղական կրթական ռեսուրսկենտրոնների կողմից դպրոցների հսկողությունը դառնում է ավելի ինտենսիվ:

Նախարարությունը դպրոցների վարչակազմին կոչ է անում ապահովել դպրոցներում սանիտարական և հիգիենիկ պայմանները, որի համար անհրաժեշտ է բավարարել հետևյալ պայմանները. դասասեմյակները պետք է ենթարկվեն խոնավ մաքրման կարգով, երբ  պատուհանները պետք է բաց լինեն, իսկ այն դպրոցները, որտեղ կա երկրորդ հերթ, պետք է մաքրություն իրականացվի  երկու անգամ: Զուգարանը, ճաշարանը և բժշկական սենյակը պետք է մաքրվի ախտահանող միջոցներով:  Պետք է նաև նշենք, որ նախարարությունը ամբողջությամբ ներգրավված է միջգերատեսչական համակարգող խորհրդի աշխատանքին և եթե վարակի տարածման սպառնալիքը սրվի, ապա դպրոցների կապակցությամբ կընդունվեն համապատասխան որոշում»,- ասել են կրթության նախարարությունում: