Մոսկվան պատրաստ է Իդլիբի հարցով Անկարայի հետ շարունակել աշխատել. Լավրով

Մոսկվան պատրաստ է Իդլիբի հարցով Անկարայի հետ աշխատել, այդ թվում՝ բարձր մակարդակով, ՌԴ և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հանդիպման նախապատրաստման մասին տղեկություններ դեռևս չկան. գրում է ՌԻԱ «Նովոստի»-ն՝ ՌԴ ԱԳՆ ղեկավար Սերգեյ Լավրովի խոսքերին հղումով, հայտնում է Yerkir.am-ը:

«Մենք մեր թուրք գործընկերների հետ, անշուշտ, կշարունակենք քննարկել ստեղծված իրավիճակը, քննարկել մեր պայմանավորվածությունների կատարման ուղիները, ընդ որում՝ ոչ թե 1.5-ամյա վաղեմության նախնական իրավիճակի վերստեղծման տեսակետից կատարումը, այլ պայմանավորվածությունների կատարումը արդյունքների ձեռքբերման տեսակետից, ինչի մասին խոսեցի», - մանրամասնել է նա իր հորդանանցի գործընկեր Այման աս Սաֆադիի հետ բանակցությունների արդյունքներով կայացած մամուլի ասուլիսի ընթացքում, և հավելել. «Մենք պատրաստ ենք աշխատել ցանկացած մակարդակում, այդ թվում՝ բարձր մակարդակում: Այս մասին երեկ նշված էր ՌԴ նախագահի մամուլի խոսնակ Դմիտրի Պեսկովի մեկնաբանության մեջ: Ես դեռևս չեմ տեսել նախագահների հանդիպումը պատրաստելու վերաբերյալ կոնկրետ ցուցումներ»: