ՏԵՍԱՆՅՈՒԹ. Անհայտ անձինք տարան Վահագն Վերմիշյանին

Քիչ առաջ անհայտ անձինք, որոնք խուզարկություն էին իրականացնում քաղշինկոմիտեի նախագահ Վահագն Վերմիշյանի աշխատասենյակում, իրենց հետ տարան Վերմիշյանին և նրա համակարգիչները։ Այս մասին հայտնում է hraparak.am-ը:

Ըստ թերթի Վերմիշյանին ուղեկցել են վերելակ։ Երբ փորձել են նրանից պարզաբանում ստանալ, ոմն մեկը, որը, ինչպես մյուս բոլորը, չի ներկայացել, հրմշտել է և դուրս հանել դռնից, չնայած, որ արդեն տեսել էր լրագրողի վկայականը։

Մյուս ենթադրյալ իրավապահները նույնպես չեն ներկայացել։

Հիշեցնենք, որ «Հրապարակն» այսօր գրել էր, որ Վերմիշյանի դեմ կա հարուցված քրեական գործ՝ կոռուպցիոն չարաշահումների և հովանավորչության հանցակազմով, Վերմիշյանը հերքել էր իր առնչությունը այդ քրեական գործին։