Վահագն Ալեքսանյանը ճիշտ կանի՝ հաջորդ անգամ չհամարձակվի Կիպրոս գալ. ՀՅԴ Կիպրոսի կոմիտեի ներկայացուցիչը պատասխանում է Վահագն Ալեքսանյանին

 

 

«Այս իշխանությունների քաղաքականությունն ընդհանուր առմամբ մերժվել է Սփյուռքի կողմից։ Ես վստահ եմ, որ այլ երկրներ էլ, ուր որ այցելեն «Քաղաքացիական պայմանագրի» անդամներն ու եթե փորձեն տեղի գաղութի հետ որևէ կապ հաստատել՝ չի ստացվելու, ինչպես որ չստացվեց այստեղ՝ Կիպրոսում։ Գիտեք, մենք երեսուն տարի, անկախ նրանից, թե ո՞վ է եղել նախագահ, վարչապետ, Պաշտպանության նախարար, պատվիրակություն, խորհրդարանի պատվիրակություն, ով որ եկել է՝ մենք նրանց թագավորի պես ենք դիմավորել և Կարմիր գորգ ենք փռել նրանց ճանապարհին։ Սա առաջին անգամն էր, որ նման ընդունելության չարժանացան Հայաստանից եկած ներկայացուցիչները և գաղութի անդամները հանդիպում չունեցան այս պատվիրակության անդամների հետ՝ հակառակը՝ կազմակերպեց գաղութն ակցիա իրենց դեմ, որ իրենց վարած քաղաքականությունն անընդունելի է մեզ համար»,- շեշտեց Սիմոն Այնէճեանը։

 

 

Նա շեշտեց, որ ՔՊ պատգամավորներին ուղեկցող նկարահանող օպերատորները ցույց անող կիպրահայերին են նկարել ու հետևաբար ՀՅԴ Կիպրոսի կոմիտեի ներկայացուցիչը հարց է բարձրացնում, թե որտե՞ղ է տեղադրվել այդ տեսանյութը. «Ինչո՞ւ համար էին մեզ նկարահանում։ Սա շանտաժ է, պորովոկացիա, մեզ գիտե՞ք ով է նկարահաննում՝ աշխարհի վրա երեք հոգի։ Այս իշխանություններն են, որ նկարահանում են և պահում իրենց արխիվներում՝ չգիտեմ ինչի համար կամ ինչ նպատակներով, թրքական գաղտնի ծառայություններն ու ադրբեջանցիները՝ միայն այս երեքն են մեզ նկարահանում՝ ուրիշ ոչ մեկը»։