Նախագահ Աուն Կիտանեանի Հետ Քննարկեց Լիբանանեան Իրադարձութիւնները

Հանրապետութեան նախագահ զօր. Միշել Աուն երէկ նախագահական պալատին մէջ ընդունեց զբօսաշրջութեան նախարարի պաշտօնակատար Աւետիս Կիտանեանը, որուն հետ քննարկեց լիբանանեան իրադարձութիւնները եւ անոնց ունեցած հետեւանքները` զբօսաշրջութեան մարզին վրայ:

Նախարար Կիտանեան հանրապետութեան նախագահին ներկայացուց 17 հոկտեմբեր 2019-էն առաջ Լիբանանի զբօսաշրջութեան մարզին արձանագրած արդիւնքները:

Նախագահ Աունի այցելեց նաեւ Հզօր Լիբանան համախմբումի անդամ, երեսփոխան Անթուան Փանօ, որուն հետ քննարկեց երկրին քաղաքական բեմը յուզող իրադարձութիւնները:

Նախագահական պալատին այցելուներէն եղաւ Ֆրանսախօս երկիրներու կազմակերպութեան մէջ հանրապետութեան նախագահի անձնական ներկայացուցիչ Ժարժուրա Հարտան, որ նախագահ Աունին ներկայացուց Ֆրանսախօս երկիրներու կազմակերպութեան ապագայ ծրագիրները:

aztagdaily.com