Որ ճանապարհներն են փակ կամ դժվարանցանելի․ ԱԻՆ-ի պարզաբանումը

ՀՀ տարածքում կան փակ և դժվարանցանելի ճանապարհներ՝ Yerkir.am-ին տեղեկացնում է Արտակարգ իրավիճակների նախարարությունը։

Այսօր՝ հունվարի 7-ին՝ ժամը 08:00-ի դրությամբ ՀՀ տարածքում փակ եւ դժվարանցանելի են հետևյալ ավտոճանապարհները․

Վարդենյաց լեռնանցքը Գեղարքունիքի մարզի կողմից եւ Սոթք-Քարվաճառ ավտոճանապարհը փակ են բեռնատարների, դժվարանցանելի  մարդատարների համար:

Վրաստանի ՆԳՆ ԱԻ դեպարտամենտից եւ ՌԴ ԱԻՆ Հյուսիսային Օսիայի ՃԿԿ-ից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տիպի տրանսպորտային միջոցների համար:

Վարորդներին խորհուրդ է տրվում երթեւեկել բացառապես ձմեռային անվադողերով։ 

Վանաձոր-Ալավերդի-Բագրատաշեն ավտոճանապարհին կատարվում են շինարարական աշխատանքներ, ինչի հետեւանքով ճանապարհահատվածը բեռնատարների համար փակ է: Սահմանվել է հետեւյալ այլընտրանքային ավտոճանապարհը՝ Դիլիջան-Նոյեմբերյան-Բագրատաշեն։