Հայերին արտաքսելու կոչ արած թուրք գործիչը պատասխանատվության կենթարկվի

Թուրքիայում իշխող «Արդարություն և զարգացում» կուսակցության Բաշիսքելեի շրջանային կառույցի ղեկավար Սուլեյման Օզքարաասլանի` շաբաթներ առաջ սոցցանցերում փախստականների վերաբերյալ արած գրառմանը արձագանքել է ԱԶԿ Քոջայելիի նահանգային կառույցի ղեկավար Մեհմեթ Էլլիբեշը` Օզքարաասլանին ուղարկելով կարգապահական կոմիտե, որտեղ կքննվի նրա վարքը. հաղորդում  է guncelkocaeli.com կայքը:

Իր թվիթերյան էջում Օզքարաասլանը մասնավորապեն նշել էր. «Եկեք 1989 թ. եկած բուլղարներին, 1950 թ. Սալոնիկից եկած կրոնափոխներին, 100 հազար հայերին սիրիացիների հետ արտաքսենք: Համաձա՞յն եք»:

Նշենք, որ հայերին Թուրքիայից արտաքսելու հարցը շարունակաբար արծարծվում է թուրքական հասարակությունում և ժամանակին` 2010 թ., երկրի այն ժամանակվա վարչապետ Էրդողանն էր սպառնացել երկրի քաղաքացի չհամարվող հայերին արտաքսել: