Թուրք լրագրողը կենթարկվի 10 ամսվա ազատազրկման Twitter-ում Էրդողանին վիրավորելու համար

Թուրք լրագրող Մեհմեդ Բարանսուն կենթարկվի 10 ամսվա ազատազրկման Twitter-ում Ռեջեփ Թայիփ Էրդողանին դեռ վարչապետության օրոք վիրավորելու համար. տեղեկացնում է Demokrathaber-ը:

Լրագրողի փաստաբանը դատավարության ընթացքում նշել է, որ լրագրողի անունով Twitter-ում 8 էջ է բացվել: Իսկ ինչ վերաբերում է լրագրողի իսկական էջից արված գրառումներին, դրանցում Էրդողանի հասցեին վիրավորանք պարունակող արտահայտություններ բացարձակապես չեն եղել: Փաստաբանը հրաժարվել է ընդունել լրագրողի դեմ հարուցված մեղադրանքները:

Նշենք, որ Էրդողանին վիրավորելու համար պահանջում էին մինչև 7 տարվա ազատազրկման ենթարկել Բարանսուին, սակայն դատավարության արդյունքում վճռել են 10 ամիս: