Զիջել՝ նշանակում է ընդհանրապես օրենքին հակառակ գնալ, որը մենք չենք պատրաստվում անել. ՊԵԿ նախագահը`«Սպայկա»-ի մասին

Քննությունը շարունակվում է. կառավարության նիստից հետո լրագրողների հետ ճեպազրույցում ասաց ՊԵԿ նախագահ Դավիթ Անանյանը` անդրադառնալով «Սպայկա» ընկերությունում անցկացվող քննությանը:

«Անընդհատ տեղեկատվություն ենք ստանում մեր գործընկեր երկրների գործընկեր կառույցներից: Դրանք անընդհատ մշակվում են, հաշվարկներ են կատարվում: Մենք այս պահին, հաշվի առնելով «Սպայկա»-ի գործունեությունը, նաև գյուղատնտեսության ոլորտի հետ այսօրվա սերտ առնչությունը,  քրեաիրավական գնահատականների առումով ընկերության նախորդ ժամանակաշրջանների գործունեությանն առնչվող քրեական մասով քննությունն առանձնացրել ենք, հնարավորություն ենք տալիս, որ գործունեության խաթարում չլինի»,- ասաց նա:

Սակայն, ըստ Անանյանի, դա չի նշանակում զիջում: «Զիջել` նշանակում է ընդհանրապես օրենքին հակառակ գնալ, որը մենք չենք պատրաստվում անել»,- եզրափակեց նա: