Արցախում կստեղծվի քննչական կոմիտե

Քննիչների անկախությունը և դատավարական ինքնուրույնությունը կլինի երաշխավորված, եթե քննիչը, անկախ պետական մարմինների պատկանելությունից, օժտված լինի միևնույն իրավական կարգավիճակով, սոցիալական, տնտեսական և իրավական միևնույն երաշխիքներով: Տարբեր գերատեսչություններում գործում են քննիչների տարբեր աշխատավարձերի չափեր, սոցիալական ապահովության տարբերվող երաշխիքներ: Մինչդեռ սոցիալական արդարությունը պահանջում է միասնականացնել օրինաբնույթ աշխատանք կատարող քննիչների աշխատավարձը և սոցիալական երաշխիքները: Նման պայմաններում ակնհայտ է դառնում, որ նախնական քննության իրականացման գործող վիճակը ունի անավարտ մասնատված բնույթ, ինչի լուծման տարբերակներից մեկը պիտի հանդիսանա միասնական քննչական մարմնի ստեղծումը: Ըստ այդմ՝ առաջարկվում է պետական կառավարման մարմինների համակարգում գործող քննչական ստորաբաժանումները լուծարել՝ այդ գործառույթը վերապահելով ինքնուրույն պետական մարմին համարվող քննչական մարմնին, ինչպես նաև միասնականացնել քննիչների իրավական կարգավիճակը»,- մանրամանել է Ա.Դանիելյանը:

 

Նրա խոսքով՝ կարգավորման նպատակն է ամրապնդել քննչական մարմինների անկախությունը, բարձրացնել քրեական գործերով նախաքննության արդյունավետությունը և ոստիկանության, ազգային անվտանգության ծառայության և հարկային մարմնի կառուցվածքում գործող քննչական մարմինների հիմքի վրա կազմավորել միասնական քննչական մարմին: Նախագծի ներկայացմամբ պայմանավորված անհրաժեշտություն է առաջացել փոփոխություններ և լրացումներ կատարել մի շարք օրենքներում:Գլխադասային՝ ԱԺ պետաիրավական հարցերի մշտական հանձնաժողովը օրենքի նախագծին տվել է դրական եզրակացություն: