Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր Ծաղկաձորում լրագրողներին ներկայացվեց ՀՀ ազգային անվտանգության ծառայության պաշտոնական նոր կայքը, որտեղ կան որոշ նորամուծություններ: Մասնավորապես՝ տեղ է հատկացվել տնտեսական անվտանգությանը և կոռուպցիոն դեպքերի բացահայտումներին, ինչն իշխանափոխությունից հետո ԱԱԾ հատուկ ուշադրության կենտրոնում է: Բացի այս՝ առանձնացվել է առցանց հարցերի բաժին, ստեղծվել է «Թեժ գիծ»՝ 1-91 հեռախոսահամարով:
Yerkir.am-ի թղթակիցը Ծաղկաձորից հայտնում է, որ միջոցառման շրջանակում ծրագրված է նաև սեմինար-քննարկում՝ տեղեկատվահոգեբանական ազդեցության, Ադրբեջանի, Թուրքիայի հատուկ ծառայությունների համակարգերի և ՀՀ ու Արցախի դեմ նրանց հետախուզական-քայքայիչ գործունեության ընդհանուր բնութագրի, համացանցով Ադրբեջանի հատուկ ծառայությունների հավաքագրական աշխատանքի ընդհանուր բնութագրի և այլ թեմաների շուրջ: Իսկ ավելի ուշ տեղի կունենա ԱԱԾ տնօրեն Արթուր Վանեցյանի հանդիպումը լրագրողների հետ: