ԱՄՆ պետքարտուղարության ներկայացուցիչն անդրադարձել է Քոչարյանին առաջադրված մեղադրանքին

«Միացյալ Նահանգները հետևողական կոչ է արել Հայաստանի իշխանություններին` անցկացնել այդ իրադարձությունների լուրջ, վստահելի եւ անկախ քննություն», -  «Ամերիկայի ձայն»-ին հայտնել է ԱՄՆ պետքարտուղարության պաշտոնական ներկայացուցիչը` ի պատասխան խնդրանքի` մեկնաբանել Մարտի 1-ի գործի շրջանակներում Հայաստանի երկրորդ նախագահին առաջադրված` սահմանադրական կարգը տապալելու մեղադրանքը:

«Մենք շարունակում ենք շեշտել մեր հայաստանյան գործընկերներին, որ կարեւոր է հարգել արդարադատության իրականացման միջազգայնորեն ճանաչված չափանիշները», - ավելացրել է պետքարտուղարության պաշտոնական ներկայացուցիչը:

Հիշեցնենք, որ 2008-ի մարտի 1-ի լույս 2-ին տեղի ունեցած իրադարձություններին հաջորդած զեկույցում ԱՄՆ պետքարտուղարությունը տեղեկություններ էր հիշատակում, ըստ որոնց` «կառավարությունն ու դրա ներկայացուցիչներն իրականացրել են կամայական եւ ապօրինի սպանություններ»: 

Մանրամասները` սկզբնաղբյուր կայքում: