Ինչ ասել եմ, ուժի մեջ է. Գևորգ Կոստանյան

Այսօր ՀՀԿ ԳՄ նիստում պետք է որոշվեր ՀՀԿ պատգամավորների քվեարկությունների հարցը վաղվա ԱԺ նիստում, ուր քննարկվելու է վարչապետի թեկնածու Նիկոլ Փաշինյանի ընտրության հարցը: ՀՀԿ ԳՄ նիստից հետո, լրագրողների հարցին, թե ինչպես է վաղը քվեարկելու վարչապետի թեկնածուին, ԱԺ պետա-իրավական հարցերի մշտական հանձնաժողովի նախագահ, նախկին գլխավոր դատախազ Գևորգ Կոստանյանը չցանկացավ մասնրամասնել, հորդորելով սպասել վաղվա քվեարկությանը: Հարցին, թե իր դիրքորոշումը չի փոխվե՞լ նախորդ քվեարկությունից հետո, երբ նա դեմ է քվեարկել Նիկոլ Փաշինյանի թեկնածությանը, Գևորգ Կոստանյանը պատասխանեց.

«Ինչ ասել եմ ձեզ, դա ուժի մեջ է»:

Լրագրողները հարցրեցին, եղե՞լ է վիճաբանություն իր և Գագիկ Բեգլարյանի միջև: Գևորգ Կոստանյանը պատասխանեց. «Ի՞նչ եք կարծում, ինձ հետ հնարավոր է՞ վիճաբանություն տեղի ունենա, ինձ հետ մի քիչ դժվար է վիճաբանություն ունենալ»: