|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Քիչ առաջ ավարտվեց վարչապետի թեկնածու Նիկոլ Փաշինյանի և ԱԺ «Ծառուկյան» խմբակցության հանդիպումը:
Հանդիպումից հետո «Ծառուկյան» խմբակցության քարտուղար Վահե Էնֆիաջյանը լրագրողներին հայտնեց, որ ժողովրդի թեկնածուն իրենց համար ընդունելի է, և որևիցե աշխատանքային խնդիր չունեն: Ըստ նրա` ներքին աշխատանքային բովանդակություն ունեցող հարցեր են քննարկել, փուլային կներկայացնեն:
«Խմբակցությունը քվեարկելու է մեկ մարդու նման: Վստահաբար բոլորիդ տեղեկացնում եմ»,- ասաց Էնֆիաջյանը:
Հարցին` բոլո՞րն են ներկա լինելու, նա պատասխանեց. «Լավ հասկանում եմ, որ կողմ քվեարկողների թվի հետ կապված հարց կա: Առհասարակ, «Ծառուկյան» խմբակցությունը մասնակցելու է 31 հոգով և միասնական»:
Իսկ հարցին` Գագիկ Ծառուկյանը կմասնակցի նիստի՞ն, թե՞ ոչ, Էնֆիաջյանը պատասխանեց. «Ծառուկյանի որոշումն այստեղ է»: