Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
Այսօր Հանրապետության հրապարակում հանրահավաք էր կազմակերպել «Քաղաքացիական պայմանագիր» կուսակցության ղեկավար Նիկոլ Փաշինյանը: Իր այսօրվա ելույթում նա անդրադարձավ թավշյա ժողովրդական հեղափոխության ընթացքին: Դրա գրավականը, ըստ Փաշինյանի, պետք է լինի կոնկրետ գործողությունը:
«Սկսում ենք գյուղերից ու փոքր քաղաքներից»,- ասաց Փաշինյանը` կոչ անելով փոքր քաղաքների ու գյուղերի բնակիչներին, որ ճնշում գործադրեն իրենց գյուղապետերի, վարչական շրջանների ղեկավարների վրա, որպեսզի նրանք հանդես գան թավշյա հեղափոխությանը աջակցելու դիրքերից` ամրագրելով դրանք պաշտոնական հայտարարություններով:
Նրա մյուս առաջարկը հետևյալն էր, որ գերատեսչությունների շենքեր մուտք գործելիս ցուցարարները միջանցքներում ու սենյակներում սկսեն նստացույց:
Անդրադառնալով հավաքներին անչափահասների մասնակցության փաստին, Փաշինյանը հայտարարեց, որ հավաքների ազատության մասին օրենքը որևէ կերպ չի սահմանափակում անչափահասների մասնակցությունը հավաքներին: Հանրահավաքի մասնակիցները երթով, կոչերով շարժվեցին Բաղրամյան պողոտա՝ երկկողմանի փակելով նաև Մաշտոցի պողոտան: