Եվրոպայի 10 ամենաաղտոտված քաղաքներից 8-ը Թուրքիայում են

Ըստ Greenpeace միջազգային կազմակերպության հրապարակած զեկույցի` Թուրքիայում 2016-2018 թթ. ընթացքում օդի աղտոտվածության պատճառով մահացել է 52.000 մարդ. հաղորդում է T24.com.tr կայքը:

Զեկույցում նշված է, որ աշխարհում ամեն 10-ից 9-ը չի շնչում մաքուր օդ: Իսկ Եվրոպայում ամենաաղտոտված 10 քաղաքներից 8-ը գտնվում են Թուրքիայում:

Greenpeace կազմակերպությունը հունիսի 5-ին Շրջակայքի համաշխարհային օրվա կապակցությամբ առկա խնդիրների վրա ուշադրություն գրավելու նպատակով զեկույց է պատրաստել, որում նշվում է, որ օդի աղտոտվածության գլխավոր պատճառն ածուխի կիրառումն է: Չինաստանում օդի աղտոտվածության պատճառով կյանքի միջին տևողությունը նվազել է 3 տարով: Այնտեղ օդի աղտոտվածությունից տարեկան մահանում է մոտ 670.000 մարդ, իսկ Հնդկաստանում` 80-115.000 մարդ, Եվրոպայում` 23.000, ԱՄՆ-ում` 13.200: