Սիրիայի Ռաքքա քաղաքը հրետակոծվել է Թուրքիայի վերահսկողության տակ գտնվող քաղաքներից

Երեկ առավոտյան ականանետային հարձակում է գրանցվել սիրիական Ռաքքա նահանգում՝ Թուրքիայի զինված ուժերի կողմից վերահսկվող տարածքից: Այս մասին ուրբաթ լրագրողներին հայտնել է Սիրիայում պատերազմող կողմերի հաշտեցման ռուսական կենտրոնի ղեկավարի տեղակալ, փոխծովակալ Ալեքսանդր Կարպովը:

Կենտրոնի աջակցությամբ պայմանավորվածություններ են ձեռք բերվել Ռաքքա նահանգի Ալ Մուալակ, Ջեբել, Սեյդա քաղաքներ բնակիչների՝ տուն վերադառնալու մասին: «Միևնույն ժամանակ, այսօր` առավոտյան 11:41-ին, Ալ Մուալակ բնակավայրի տարածքում արձանագրվել է ականանետային հարձակում Թուրքիայի զինված ուժերի վերահսկողության տակ գտնվող տարածքից»,- հայտնել է Կարպովը:

Փոխծովակալի խոսքով` կեսօրին «քաղաքացիական անձանց շարասյունը, որը շարժվում էր դեպի Սեյդա բնակավայր, կանգնեցվել է մեծ տրամաչափի գնդացրի նախազգուշական կրակից՝ արձակված պրոթուրքական կազմավորումների դիրքերի կողմից:

Կարպովը հավելել է, որ ռուսական կենտրոնը կոչ է անում թուրքական զորքերի հրամանատարությանը, որը վերահսկողություն է իրականացնում Սիրիայի հյուսիսում գտնվող տարածքների վրա, ապահովել խաղաղ բնակիչների կամավոր և անկաշկանդ` իրենց տներ վերադարձի հնարավորությունն ու անվտանգությունը: