Թուրքիայում պաշտոնազրկվել է 28 ընտրված քաղաքապետ` քրդաբնակ քաղաքներից

Թուրքիայի հարավ-արեւելքում  զինված բախումներ են ընթանում այն բանից հետո, երբ երկրի իշխանությունները հայտարարել են, որ պաշտոնից ազատում են օրենքով ընտրված 28 քաղաքապետի`մեծ մասամբ քրդերով բնակեցված քաղաքներից:

Նշվում է, որ պաշտոնից ազատումը օրինական է համարվում երկրում հայտարարված արտակարգ դրության շրջանակներում: Թուրքական որոշ լրատվամիջոցների տեղեկացմամբ, Սուրուչ քաղաքում բողոքի ակցիային մասնակցել են ավելի քան 200 մարդ, որոնց ցրել են  արցունքաբեր գազի գործածմամբ: 

Հաքարի քաղաքում կան ձերբակալվածներ, որոնց թվում` փոխքաղաքապետը:

Իշխանությունները քաղաքապետերին կասկածում են Քրդական աշխատավորական կուսակցության հետ կապեր ունենալու մեջ: