Սավչենկոն հայտարարել է, որ իր դեմ հարուցված գործը քաղաքական դրդապատճառներ ունի

Գերագույն ռադայի պատգամավոր Նադեժդա Սավչենկոն դատական նիստի ընթացքում հայտարարել է, որ մեղավոր չէ, և իր դեմ հարուցված գործը քաղաքական դրդապատճառներ ունի. հայտնում է РИА Новости-ն:

Սավչենկոն նշել է, որ ինքը նախկինում էր միայն հարկավոր ուկրաինական իշխանություններին, երբ ՌԴ-ում էր, իսկ այժմ ձեռնտու չէ, քանի որ միշտ ճիշտն է խոսում: Նա նաև հայտնել է հացադուլ սկսելու մաին:

Հիշեցնենք, որ երեկ  Սավչենկոյին ձերբակալել են խորհրդարանի շենքում այն բանից հետո, երբ խորհրդարանը նրան ձերբակալելու համաձայնություն է տվել: Ուկրաինայի գլխավոր դատախազությունը կասկածում է  Սավչենկոյին խորհրդարանի շենքում ահաբեկչության նախապատրաստման մեջ: