Հովհաննես Վարդանյանը՝ տարվա լավագույն թաղապետ

Արաբկիր վարչական շրջանի ղեկավար Հովհաննես Վարդանյանը ֆեյսբուքյան իր էջում գրել է.

«Այսօր՝ փետրվարի 13-ին, «Առնո Բաբաջանյան» համերգասրահում International Media Holding-ի նախագահ Արման Վարդանյանը կազմակերպել էր մեծ միջոցառում, որին մասնակցում էին քաղաքական գործիչներ, մշակութային գործիչներ և այլ պաշտոնյաներ: Միջոցառմանը, որպես տարվա լավագույն թաղապետ, ինձ շնորհվեց մրցանակ: Ես շնորհակալ եմ կազմակերպիչներին նման անակնկալի համար: Անխոս, սա շատ հաճելի է և պարտավորեցնող: Ես ուրախ եմ, որ իմ աշխատանքը նկատվել և գնահատվել է: Առջևում մեզ սպասվում են Արաբկիրը զարգացնելու բազմաթիվ նոր ծրագրեր: Ես միշտ իմ արաբկիրցու կողքին եմ լինելու և պաշտպանելու եմ նրա շահերը»: