Թրամփը որոշել է փակել ապօրինի ներգաղթյալներին աշխատանքով ապահովող ծրագիրը

ԱՄՆ նախագահ Դոնալդ Թրամփը պատրաստվում է փակել ապօրինի ներգաղթյալներին աշխատելու հնարավորություն տվող «Երազողները» ծրագիրը, որի սկիզբը դրվել էր նախկին ղեկավար Բարաք Օբամայի նախաձեռնությամբ:

Ըստ The Guardian-ի՝ նաև Deferred Action for Childhood Arrivals (Daca)) հայտնի ծրագրին փոխարինող մշակելու համար Կոնգրեսին ժամանակ կտրվի: Երկրի գերագույն օրենսդիր մարմինը պետք է 6 ամսում ներկայացնի ծրագրի այլընտրանքային տարբերակ:

Daca-ի շնորհիվ մոտ 800.000 երիտասարդ հնարավորություն է ստացել օրինական հիմունքներով աշխատանք ունենալու:

Թրամփի որոշումը դժգոհության ալիք է բարձրացրել թե' կոնգրեսականների շրջանում և թե' համացանցում: ԱՄՆ Կոնգրեսի Ներկայացուցիչների պալատի խոսնակ Փոլ Ռայանը դիմել է նախագահին՝ կոչ անելով չփակել ծրագիրը: