Իմ անունն է պայքար և վախճանս՝ հաղթանակ

Քիչ առաջ Ազատության հրապարակից մեկնարկեց արդեն թվով 18-րդ ջահերով երթը, որն այլևս իսկապես համահայակական նշանակություն ունի:

Բազմամարդ հավաքի մասնակիցները մեկ րոպե լռությամբ հարգեցին Մեծ Եղեռնին զոհ դարձած 1,5 մլն հայերի հիշատակը:

«Միություն», «Պայքար», «Հաղթանակ» վանկարկումների ներքո այրեցին Թուրքիայի դրոշը: Ջահերով երթն ունի «Իմ անունն է պայքար և վախճանս՝ հաղթանակ» կարգախոսը:

«Մենք հավատում ենք արդեն դեռևս 18 տարի առաջվա սկսված այս երթին և այս երթի վերջնակետին: Մենք պայքարի ենք դուրս եկել հանուն Արևմտյան Հայաստանի, հանուն արևմտահայության ժառանգների: Եվ ուրեմն միություն, պայքար, հաղթանակ»,- ասաց Արշակը՝ ՀՅԴ, Հայաստանի երիտասարդական միության կենտրոնական վարչությունից: