Զարուհու քայլը սկզբունքային դիրքորոշման արդյունք է. Անահիտ Բախշյան

«Ժառանգության» նախկին անդամ, այժմ «Ազատ դեմոկրատներ» կուսակցության համամասնական ցուցակի 4-րդ համար Անահիտ Բախշյանը Yerkir.am-ի հետ զրույցում նշեց, որ Զարուհի Փոստանջյանի քայլը սկզբունքային դիրքորոշման արդյունք է:

«Զարուհին հիմնավորել է իր ասածը: Անկախ նրանից` ժառանգականները կընդունեն, թե` ոչ, բայց կարծում եմ, որ Զարուհու քայլը սկզբունքային դիրքորոշման արդյունք է»,- ասաց նա, ապա հավելեց. «Ցավում եմ, որ ժառանգականները նման հայտարարություններ են անում»:

Նշենք, որ Yerkir.am-ի հետ զրույցում Արմեն Մարտիրոսյանը հայտարարել էր, թե իրեն չեն մտահոգում Զարուհի Փոստանջյանի դիտարկումները, որովհետև «Ժառանգություն»-ում որևէ սկզբունքային գաղափարական փոփոխություն  չկա:

Հիշեցնենք, որ «Ժառանգություն» կուսակցության անդամ, «Ժառանգություն» խմբակցության պատգամավոր Զարուհի Փոստանջյանը լքել է կուսակցությունը: Նա նշել է, որ կուսակցությունը հրաժարվել է իր գաղափարական մոտեցումներից: