Սանկտ Պետերբուրգում մեկնարկել է ԵՏՄ գագաթաժողովը

Սանկտ Պետերբուրգում մեկնարկել է ԵՏՄ գագաթաժողովը: Այդ մասին հայտնում է Կրեմլի կայքը:

Հաղորդվում է, որ Ռուսաստանի, Հայաստանի, Ղազախստանի և Ղրղզստանի նախագահները կամփոփեն ԵՏՄ-ի առաջին երկու տարվա աշխատանքը: Օրակարգում են միության հետագա զարգացման հարցերը:

Պուտինը նշել է, որ առաջնահերթ խնդիր է ԵՏՄ միասնական թվային տարածության ստեղծումը` նշելով, որ քննարկել է այդ հարցը Եվրասիական տնտեսական հանձնաժողովի նախագահ Տիգրան Սարգսյանի հետ:

ՌԴ նախագահի խոսքերով` հետաքրքիր և արդյունավետ աշխատանք է զարգանում միության հնարավոր գործընկերների հետ:

«Ինչպես գիտեք, Վիետնամի հետ արդեն համաձայնագիր կա ազատ առևտրի մասին: Մեզ հետ հարաբերությունների զարգացմամբ հետաքրքրված են նաև Իսրայելը, Հնդկաստանը, Իրանը, Սինգապուրը, Եգիպտոսը: Մենք աշխատանք ենք տանում նաև Չինաստանի հետ: Այդ ամենը մենք այսօր կարող ենք քննարկել»,- նշել է Պուտինը:

Ավելի վաղ հայտնել ենք, որ Բելառուսի նախագահ Ալեքսանդր Լուկաշենկոն չի մասնակցելու ԵՏՄ և ՀԱՊԿ գագաթաժողովներին: