1992թ. աշունը...Սերժ Սարգսյանն անկեղծացավ

Արցախում մշակութային գործիչների հետ հանդիպման ժամանակ նախագահ Սերժ Սարգսյանն անկեղծացավ, թե որն է եղել իր կյանքի ամենածանր օրը: Նշենք, որ այժմ հանդիպման տեսաձայնագրությունը հեռարձակվում է Հանրային հեռուստաընկերության եթերով:

Սարգսյանը նախ նշեց, որ շատ ավելի ծանր օրեր է ունեցել մինչեւ երկրի ղեկավար դառնալը: Իսկ որպես ամանածանր շրջան նշեց 1992թ. աշունը:

«Պետք էր որոշում կայացնել՝ որտեղ տալ ամենավճռական մարտը. երկու ուղղությամբ էին գալիս ադրբեջանցիները: Տարբեր մտորումներից հետո որոշեցինք պահել Ասկերանը, որովհետեւ երկու ուղղությամբ էլ չէինք կարող: Ծանրությունը չէ, որ մարդուն կաշկանդում է, նեղում: Մարդուն նեղում է որոշում կայացնելու գործընթացը»,-նշեց նախագահը եւ հավելեց, որ բերկրանքի պահեր շատ է ապրել: