Սիրիահայությունը լիբանանյան պետության համար բեռ չէ. Հակոբ Բագրատունի

Աղբյուրը՝ Aztagdaily

Սուրիոյ պատերազմին իբրեւ հետեւանք իրենց երկիրը լքած սուրիահայերուն մասին հարցումի մը պատասխանելով` Յ. Բագրատունի շեշտեց, որ 15 հազար սուրիահայեր գաղթած են Հայաստան, իսկ 14 հազար` Լիբանան, ուրկէ որոշ տոկոս մը մեկնեցան:

«Մենք մեր կարելիութեան սահմաններուն մէջ կ՛օժանդակենք անոնց` գլխաւորաբար մարդասիրական օգնութիւն տրամադրելով: Դժբախտաբար ՄԱԿ-ը ոչ մէկ օժանդակութիւն կը տրամադրէ հայոց, որովհետեւ անոնք գաղթակայաններու մէջ չեն գտնուիր, եւ չկան այլ երկիրներ, որոնք կ՛օժանդակեն սուրիահայութեան: Հետեւաբար մենք մեր ճակտի քրտինքով կ՛օգնենք անոնց, ինչպէս նաեւ կ՛օժանդակենք ոչ հայերու, յատկապէս Պուրճ Համուտի եւ Այնճարի մէջ: Տիրող իրավիճակը ողբերգական է, արձանագրուած են մեծ թիւով նահատակներ: Կը մաղթենք, որ Հալէպի պատերազմը շուտով վերջ գտնէ. Լիբանան գտնուող սուրիահայութեան մօտ իրենց երկիրը վերադառնալու պատրաստակամութիւն կայ, հակառակ անոր որ Լիբանանի մէջ գտնուող սուրիահայութեան թիւը բնաւ չի ծանրաբեռներ լիբանանեան պետութիւնը», ըսաւ Յ. Բագրատունի:

«Մեր Նպատակը Աղբի Լերան Վերացումն Է»

Աղբերու տագնապին մասին հարցումի մը պատասխանելով` Յ. Բագրատունի շեշտեց, որ աղբի լերան վերացումը ուշացնող որեւէ կեցուածքի պարագային, վնասազերծուած թափօններու վայրին աշխատանքները իսկոյն պիտի կասեցուին, եւ աղբերը դարձեալ պիտի ողողեն փողոցները:

«Ոչ ոք թող իմաստուն ձեւանայ: Մեր նպատակը աղբի տագնապին լուծման ժամանակաւոր` չորս տարուան փուլին մաս կազմել է, եւ ապա վնասազերծուած թափօններու վայրը փակել եւ տեսնել, որ լիբանանեան պետութիւնը ո՞ւր հասած է այդ տագնապին լուծման գծով», եզրափակեց Յ. Բագրատունի: