Մոնոպոլիաները միշտ չեն վատը. Կարեն Կարապետյան

ԱԺ-ում կառավարության հետ հարցուպատասխանի ժամանակ պատգամավորները հարցեր ուղղեցին նորանշանակ Կարեն Կարապետյանին տնտեսության մեջ առկա մի շարք խնդիրների մասին, մասնավորապես` ԱԺ պատգամավոր Խաչատուր Քոքոբելյանը հարցրեց մենաշնորհների ու ստվերի դեմ պայքարի մասին: Նորանշանակ վարչապետը պատասխանեց. «Պատրաստ եմ լինել պարզ, բաց և անկեղծ հասարակության հետ. տնտեսության զարգացումը չունի այլ բանաձև, քան ստվերի դեմ պայքարելու ճանապարհը: Մենք դա փորձելու ենք անել: Կհաջողվի՞, թե՞ ոչ, մենք վճռական ենք տրամադրված, որովհետև տնտեսության զարգացման ուրիշ ձև գոյություն չունի: Մոնոպոլիաները միշտ չեն վատը, և եթե շուկան փոքր է, ապա շուկայի խաղացողներից մեկը կարող է մոնոպոլ դիրք գրավել: Այլ հարց է՝ դա բնակա՞ն մենաշնորհ է, թե՞ ոչ»:

Կարեն Կարապետյանը հավելեց, որ խնդիրներին մանրամասն ծանոթ չէ, կծանոթանա, նոր դրանց մասին կխոսի: