Օբաման սառը ընդունելության է արժանացել Սաուդյան Արաբիայում

ԱՄՆ նախագահ Բարաք Օբաման սառը ընդունելության է արժանացել Սաուդյան Արաբիայում. հայտնում է Газета. ру-ն:

The Guardian-ը նշում է, որ Սաուդյան Արաբիայի թագավորը  հրաժարվել է օդանավակայանում դիմավորել Օբամային՝ իր փոխարեն ուղարկելով մի խումբ պաշտոնյաներից կազմված պատվիրակություն: Թագավորը Օբամային ողջունել է միայն Էրգա պալատում, որտեղ էլ կայացել է երկկողմ հանդիպումը։ Բացի այդ` տեղի հեռուստատեսությունը հատուկ ուշադրություն չի դարձրել Օբամայի այցին։

Ըստ պարբերականի` նման սառը ընդունելությանը նպաստել են մի շարք գործոններ` հարաբերություններում «միմյանց նյարդայնացնելու փաստը», անհանգիստ վիճակը Մերձավոր Արևելքում, նավթի գների կտրուկ անկումը, տնտեսական ու քաղաքական անորոշությունը։