Հեղինակազրկվածները պետք է հեռանան. Հրանուշ Հակոբյան

 Արդեն տեղեկացրել ենք, որ այսօր ընդունելություն էր կազմակերպված նախագահի նստավայրում: Նստավայրից դուրս գալուց հետո լրագրողների հետ զրույցում Սփյուռքի նախարար Հրանուշ Հակոբյանն ասաց, որ պետք է կրկնապատկեն ուժն ու եռանդը` ավելի լավ, ակտիվ աշխատելու համար: «Միշտ էլ լավից լավը կա: Նախագահը շատ պարզ խոսեց այն ամենի մասին, ինչ այսօր կա հանրապետության ներսում: Նա ասաց, որ պետք է պետական պաշտոնյաներն ավելի լավ աշխատեն, որ պետք է գտնել երիտասարդ խելացի կադրերին, ուժ տալ ու ոգևորել»,- ասաց նախարարը՝ հավելելով, որ նախագահի ելույթում կարևորվել են Սփյուռքի դերն ու նշանակությունը, ավելի արդար ու ավելի ժողովրդավարական պետություն կառուցելու անհրաժեշտությունը:

«Կարծում եմ` իշխանության մեջ կան լավ և վատ կողմեր, և հեղինակազրկվածներ եթե կան, պետք է գնան»,- ասաց Հրանուշ Հակոբյանը:

ՀՀ էկոնոմիկայի նախարար Կարեն Ճշմարիտյանն էլ ասաց, որ ինքը զգում է քաղաքական պատասխանատվություն: Նա խորհուրդ է տվել շատ չկենտրոնանալ անձնավորված հարցերի վրա, այլ ուշադրություն դարձնել պետականամետ մեկնաբանություններին: