Նախագահը փայլուն ձևով իր գործառույթներն իրականացնում է, ուրեմն պետք է շարունակի աշխատել. Հրանուշ Հակոբյան

Այսօր խորհրդարանում լրագրողների հետ զրույցում ՀՀ Սփյուռքի նախարար Հրանուշ Հակոբյանը նշեց, որ ոչ մի պատճառ չի տեսնում, որը կխանգարեր ՀՀ նախագահ Սերժ Սարգսյանին` շարունակել պաշտոնավարել 2018-ի ապրիլից հետո։

«Եթե ՀՀ նախագահն այսօր փայլուն ձևով իր գործառույթներն իրականացնում է, ուրեմն նա պետք է շարունակի աշխատել: Ի՞նչ եք ուզում»,- ասաց նախարարը՝ հորդորելով սպասել: «Ես հիմա այդ հարցի պատասխանը չեմ տալու, կգա ժամանակը կիմանաք», - հավելեց նա։

Հարցին՝ նախարարը կցանկանա՞ր 2018-ի ապրիլից հետո էլ պաշտոնավարել, Հակոբյանն արձագանքեց. «Ես չեմ սիրում իմ ցանկությունների մասին խոսել, պետք է սպասել: Ես չեմ որոշում, ես ՀՀԿ անդամ եմ։ Երբ կգա ժամանակը, կքննարկենք»: