Շուշանիկ Բախշյանը գրավի դիմաց ազատության մեջ կլինի

«Շենգավիթ» ԲԿ-ի բժշկուհի Շուշանիկ Բախշյանի նկատմամբ խափանման միջոց կալանավորում ընտրելու վերաբերյալ այսօր նախաքննական մարմինը միջնորդություն է ներկայացրել դատարան, որը բավարարվել է, սակայն կիրառվել է  այլընտրանքային խափանման միջոց:

Ինչպես հայտնում է «Փաստինֆո»-ն, պաշտպանական կողմը միջնորդել է Շուշանիկ Բախշյանի նկատմամբ խափանման միջոց կիրառել գրավ՝1 մլն  ՀՀ դրամի չափով, որը դատարանը բավարարել է:

Ինչպես ավելի վաղ տեղեկացրել էինք, հունվարի 26-ին Շուշանիկ Բախշյանին մեղադրանք է առաջադրվել ՀՀ քրեական օրենսգրքի 130-րդ հոդվածի 2-րդ մասով, սակայն խափանման միջոցի հարցը չէր լուծվել,  քանի որ նա գտնվում էր հիվանդանոցում: Բժշկուհու մոտ ախտորոշվել էր երկկողմանի թոքաբորբ, գրիպ Ա տեսակը: Իսկ  երեկ նա դուրս էր գրվել հիվանդանոցից:

Նա մեղադրվում է  պատշաճ բժշկական օգնություն չցուցաբերելու մեջ, ինչի հետեւանքով մահացել էր ծննդկան Մերի Մարգարյանն ու նրա նորածին դուստրը: