Առավոտյան իրերս հավաքել եմ, դրոշն իջեցված է. Ուկրաինայում ՀՀ-ի դեսպանը լքում է իր նստավայրը

Ուկրաինայում Հայաստանի դեսպան Անդրանիկ Մանուկյանը այսօր «Ազատության» հետ զրույցում հայտարարել է, որ հեռանում է Կիևում Միչուրինի թիվ 31 հասցեում գտնվով շքեղ առանձնատնից` դրա շուրջ ծագած կոռուպցիոն սկանդալի պատճառով:

«Առավոտյան իրերս հավաքել եմ, դրոշն իջեցված է, ես հեռանում եմ: Եթե ինչ-որ կասկածներ ունեն` թող գան ստուգեն», - հայտարարեց դեսպանը:

Հիշեցնենք, որ երեկ yerkir.am-ը գրել էր այն մասին, որ «Գլավկոմ»-ը՝ վկայակոչելով «Corrupt.UA»-ին գրել էր, որ Կիեւի Միչուրինի փողոցի թիվ 31 հասցեում գտնվող առանձնատան դարպասին «Ուկրաինայում Հայաստանի դեսպանի նստավայր» գրությամբ ցուցանակ է հայտնվել: Խնդիրն այն է, որ սեփականության իրավունքի ռեեստրում այդ տունը վարձույթով տրամադրելու մասին տեղեկություն չկա: