Չեմ պատկերացնում, թե ինչպես կարող է նման բան պատահել. Ռոման Բերեզովսկի

Հայաստանի ազգային հավաքականի նախկին դարպասապահ Ռոման Բերեզովսկին «Spotr-express»-ին տված հարցազրույցում մեկնաբանել է համացանցում շրջանառվող լուրերը, ըստ որի` ալբանացիները կաշառել են Հայաստանի հավաքականի ֆուտբոլիստների, որպեսզի կարողանան հասնել ցանկալի արդյունքին:

«Չեմ պատկերացնում, թե ինչպես կարող է նման բան պատահել: Ամենայն հավանականությամբ, այս ամենը սերբ լրագրողների ձեռքի գործն է: Հնարավոր է, որ նրանք չեն կարողանում հաշտվել այն մտքի հետ, որ Ալբանիայի հավաքականը դուրս է եկել Եվրոպայի առաջնության եզրափակիչ փուլ, իսկ իրենք` ոչ: Եթե նման բաներ են գրում, ապա պետք է ապացույցներ ունենան, հակառակ դեպքում` պարտավոր են ներողություն խնդրել:  Ալբանիայի հետ խաղում Հայաստանի հավաքականի մոտիվացիայի մասին խոսք լինել չի կարող, չէ՞ որ դու խաղում ես սեփական երկրպագուների առջև: Չեմ կարծում, որ որևէ մեկին հնարավոր է կաշառել, պարզապես խաղն այդպես է ստացվել: Հանդիպման սկզբում մեր հավաքականը հաշիվը բացելու լավ հնարավորություն ուներ, սակայն չստացվեց»,- ասել է Բերեզովսկին: