Խաչատուրովի քննադատությունը ՀԱՊԿ-ին թեև արդարացի էր, բայց` ուշացած. Խաչատուր Քոքոբելյան

Օրերս ՀՀ ԶՈՒ գլխավոր շտաբի պետ Յուրի Խաչատուրովը դժգոհել էր ՀԱՊԿ-ից, ասելով, որ Ադրբեջանի կողմից հրահրած ագեսիայից հետո ՀԱՊԿ կողմից ոչ քննադատություն եղավ, ոչ էլ անգամ բարոյական աջակցության դրսևորում: Այս հարցի մասին  խոսելով , ԱԺ պատգամավոր Խաչատուր Քոքոբելյանը թեև նշեց, որ ողջունում է հրապարակային ակնկալիքը ՀԱՊԿ նկատմամբ, սակայն  կարծիք հայտնեց, որ զինվորական վերնախավի կողմից ՀԱՊԿ քննադատությունը ուշացած էր:

Ըստ Խաչատուր Քոքոբելյանի, յուրաքանչյուրի համար էլ հասկանալի էր, թե ինչպես է իրավիճակը փոխվել: Ադրբեջանը պարբերաբար գնդակոծում ու հրետակոծում է արդեն խոշոր տրամաչափի զենքերից, խոցվում է ՀՀ սահմանը :

«Մենք գործ ունենք աննախադեպ ռազմական գործողությունների հետ , մենք գործ ունենք ագրեսիայի հետ: Բայց միայն բարձրաձայնելով չպետք է բավարարվել, այլ պատկան կառույցներում բարձր մակարդակով խնդիրը պետք է բարձրաձայնել: Մենք պետք է գործի դնենք  ռազմաքաղաքական բոլոր գործընթացները , դրան էլ պետք է գումարվեն դիվանագիտական գործողություները, որոնք համարժեք պատասխան կտան Ադրբեջանի լկտի ագրեսիային»,- ասաց խաչատուր Քոքոբելյանը: