Գյումրու Երկաթուղայինների 62 շենքում 7 ընտանիքի վերաբնակեցման գործընթացի ժամկետը երկարաձգվում է

Վաղը կառավարության նիստի օրակարգում ընդգրկված է որոշման նախագիծ, ըստ որի` երկարաձգվում է Գյումրի քաղաքի Երկաթուղայինների փողոց N62 հասցեում գտնվող վարչական շենքը  բնակելի շինության վերափոխելու և «Հարավկովկասյան երկաթուղի»  ՓԲԸ-ի կողմից օգտագործվող` Գյումրի քաղաքում գտնվող տարածքներում բնակություն հաստատած թվով 7 ընտանիքների վերաբնակեցմանն ուղղված աշխատանքները, քանի որ եղանակային պայմանների հետևանքով շինարարական աշխատանքները ձգձգվել են:

Գյումրի քաղաքի Երկաթուղայինների 62 հասցեի շենքում բնակության համար կենցաղային պայմաններ ստեղծելու և այնտեղ 30 անձով 7 ընտանիքների վերաբնակեցման գործընթացի ավարտման ժամկետը երկարաձգել մինչև 2015 թվականի նոյեմբերի 1-ը:

Որոշման նախագիծը մշակվել է Հայաստանի Հանրապետության Շիրակի մարզպետարանի կողմից: