Բելառուսը հրաժարվում է արժույթի հարկից

Բելառուսը դեկտեմբերի 19-ին ներդրել էր արժույթի վաճառքի հարկ՝ սահմանելով այն 30 տոկոս: Բելառուսի կենտրոնական բանկը այս քայլով նպատակ ուներ մեծացնել գրավչությունը տեղական ռուբլու նկատմամբ և այնպես անել, որպեսզի քաղաքացիները սկսեն պահուստավորել տեղական արժույթը: Այս կերպ Բելառուսի ղեկավարությունը պայքարում էր նաև սպեկուլյատիվ գործողությունների դեմ: Դեկտեմբերի 29-ին Բելառուսում արժույթի հարկի դրույքաչափը 30 տոկոսից նվազեցվեց մինչև 20 տոկոսի, իսկ հունվարի սկզբին հարկի դրույքաչափը նվազեցվեց ևս 10 տոկոսով: Իսկ արդեն երեկ՝ հունվարի 6-ին, Բելառուսի կառավարությունը որոշեց վերացնել արժույթի վաճառքի հարկը՝ սահմանելով այն 0 տոկոս: