Առաջարկում է Սուրիկ Խաչատրյանին ռեկտոր նշանակել

«Ազգային անվտանգություն» կուսակցության նախագահ Գառնիկ Իսագուլյանի կարծիքով` ՀՀԿ-ն ձախողել է թե' տնտեսական, թե' արտաքին, թե' ներքին քաղաքական կյանքում, եւ միայն վերջին նշանակումները բավական են դա փաստելու համար: Այս մասին նա ասաց լրագրողների հետ հանդիպման ժամանակ:

«Լավ, մենք ծանոթանանք մարզպետներից մեկի կենսագրությանը և հավատը չկորցնե՞նք Հանրապետական կուսակցության նկատմամբ, Սուրիկ Խաչատրյանի նշանակումն ի՞նչ էր նշանակում, որտե՞ղ է նա պաշտպանել պատմափիլիսովայական գիտությունների թեկնածուի կոչումը: Ինչի՞ տարաք մարզպետ նշանակեցիք, տանեիք համալսարանի ռեկտոր նշանակեիք»,- դիմելով ասուլիսի մյուս բանախոս` ԱԺ ՀՀԿ-ական պատգամավոր Վարդան Այվազյանին, հետաքրքրվեց Իսագուլյանը:

«Ես չէ, որ Սուրիկ Խաչատրյանին պետք է պաշտպանեմ, ինքը շատ պաշտպանողներ ունի: Էդ տղեն, ինչքան գիտեմ, հերոսական գործողությունների համար մեդալ ունի, չի կարելի, չէ՞»,- պատասխանեց Այվազյանը: