Պարտություն՝ խոշոր հաշվով. Գերմանիա-Հայաստան՝ 6:1

Ֆուտբոլի Հայաստանի ազգային հավաքականը հերթական ընկերական հանդիպումն անցկացրեց Բեռնար Շալանդի գլխավորությամբ: Այս անգամ մեր հավաքականը մրցեց աշխարհի ուժեղագույն հավաքականներից մեկի՝ Գերմանիայի հետ:  Հանդիպման առաջին խաղակեսն անցավ տանտերերի բացահայտ առավելությամբ, սակայն գերմանացիներն այդպես էլ չկարողացան բացել հաշիվը: 52-րդ րոպեին Շուռլեն բացեց հաշիվը:  69-րդ րոպեին մերոնք ստացան 11 մետրանոց հարվածի իրավունք, որը հստակ իրացրեց Հենրիխ Մխիթարյանը: Բաց թողած գոլից 2 րոպե անց Գրոսկրայցը կրկին առաջ մղեց իր թիմին:  73-րդ   րոպեին Հովեբեսը հաշիվը դարձրեց 3:1, իսկ 2 րոպե անց  Կլոսեն 4-րդ  գնդակն ուղարկեց Բերեզովսկու դարպասը: 83-րդ և 90-րդ րոպեներին մեկական գոլի հեղինակ դարձավ Մարյո Գյոտցեն՝ 6:1: