Թբիլիսիի նորընտիր Քաղաքային խորհրդում չի լինի ոչ մի հայ

Տասն օրից Թբիլիսիում կանցկացվեն տեղական ինքնակառավարման մարմինների ընտրություններ, մինչդեռ արդեն իսկ պարզ է, որ ինչպես Վրաստանի անկախության 23 տարվա ընթացքում, այս անգամ ևս Թբիլիսիի նորընտիր Սակրեբուլոյում` Քաղաքային խորհրդում, չի լինի հայկական ազգանունով ոչ մի պատգամավոր:

Վրաստանի հայ համայնքի կայքի հաղորդմամբ` տեղական ինքնակառավարման մարմինների ընտրություններին մասնակցող «Վրացական երազանքը» (100 մարդուց բաղկացած ցուցակ է ներկայացրել) և «Ազգային շարժումը» (50 անձից բաղկացած ցուցակ) հարկ չեն համարել իրենց ցուցակներում ընդգրկել ազգությամբ հայ թեկնածուների:

Ինչ վերաբերում է մյուս կուսակցություններին և քաղաքական միավորումներին, ապա, ընդհանուր առմամբ, նրանց ցուցակներում ներկայացված է հայկական ազգանունով 7 մարդ: Սակայն բոլոր 7 թեկնածուն էլ ցուցակներում զբաղեցնում են բացահայտ չանցնող տեղեր, և հետևաբար, նրանց ներկայությունը ցուցակներում ավելի շատ խորհրդանշական բնույթ ունի:

Մինչդեռ մարդահամարի տվյալներով` հայերը կազմում են Թբիլիսիի ընդհանուր բնակչության 7.4%-ը:

Ավելի մանրամասն` սկզբնաղբյուր կայքում: