Դրամը սկսել է արժեւորվել

Վերջին օրերին դիտվում է հայկական դրամի արժեւորում: Կենտրոնական բանկի կայքը տեղեկացնում է, որ ԿԲ-ի կողմից սահմանված փոխարժեքների համաձայն` մարտի 22-ին ԱՄՆ դոլարի արժեքը նվազել է 0.62 դրամով եւ կազմել 414.37 դրամ: Եվրոյի փոխարժեքը նվազել է 0.94 դրամով եւ կազմել 571.62 դրամ, ռուսական ռուբլու արժեքը նվազել 0.07 դրամով եւ կազմել 11.4 դրամ, իսկ բրիտանական ֆունտի փոխարժեքը նվազել է 2.31 դրամով եւ կազմել 683.96 դրամ:

Վերջին շրջանում դրամի արժեզրկման ֆոնին այս արժեւորումը, ըստ մասնագետների, կապված է Հայաստան այցելող իրանցիների հոսքի հետ: Այսինքն` Իրանից Հայաստան եկող զբոսաշրջիկները իրենց հետ Հայաստան են բերում արտարժույթ, ինչի շնորհիվ արտարժույթի առաջարկը մեծանում է, հետեւաբար, արժեքը` նվազում, փոխարենը իրանցիները դրամի նկատմամբ պահանջարկ են ստեղծում, ինչի շնորհիվ դրամն արժեւորվում է: