Չեմպիոնների լիգա. անակնկալներ չգրանցվեցին

ՈւԵՖԱ-ի չեմպիոնների լիգայի 1/8 եզրափակիչ փուլում կայացան 2 պատասխան հանդիպումներ:

Լիգայի գործող չեմպիոն «Բավարիա»-ն սեփական հարկի տակ ընդունել էր  «Արսենալ»-ին: 55-րդ րոպեին Բաստիան Շվայնշտայգերը բացեց խաղի հաշիվը: Զինագործների պատասխանը չուշացավ: 2 րոպե անց Լուկաս Պոդոլսկին հավասարեցրեց հաշիվը: Հանդիպումն այդպես էլ ավարտվեց, և «Բավարիա»-ն դուրս եկավ Չեմպիոնների լիգայի ¼ եզրափակիչ: Հիշեցնենք, որ  թիմերի միջև տեղի ունեցած առաջին խաղում մյունխենցիները 2 անպատասխան գնդակ էին ուղարկել լոնդոնյան թիմի դարպասը:

)

Մյուս խաղում «Ատլետիկա Մադրիդ»-ը սեփական հարկի տակ հյուրընկալել էր «Միլան»-ին: Միլանում տեղի ունեցած առաջին խաղում մադրիդցիները հաղթել էին նվազագույն հաշվով, և այս խաղում ցանկացած հաշվով ոչ-ոքին դաշտի տերերին դուրս կբերեր հաջորդ փուլ: Սակայն իսպանական ակումբի ֆուտբոլիստները չբավարարվեցին ձեռք բերվածով: Արդեն 3-րդ րոպեին Դիեգո Կոստան բացեց հաշիվը, ինչից 24 րոպե անց Կական գլխի հարվածով հավասարեցրեց այն: 40-րդ րոպեին «Ատլետիկո»-ի թուրք հարձակվող Արդա Թուրանը հեռվից կատարած հարվածով հաշիվը դարձրեց 2:1:  2-րդ խաղակեսում՝ Ռաուլ Գարսիան (71’) և Դիեգո Կոստան (85’) մեկական գնդակ ուղարկեցին Աբիատիի դարպասը՝ 4:1: «Ատլետիկո Մադրիդ»-ը նվաճեց ¼ եզրափակիչի ուղեգիր: )