Չեմպիոնների լիգա. ''Բարսելոնա''-ն ու ՊՍԺ-ն հյուրընկալվելիս խնդիրներ չունեցան

Չեմպիոնների  լիգայի խաղարկությունում երեկ մեկնարկեց փլեյ-օֆֆ փուլը:
Անգլիական «Մանչեսթեր Սիթի»-ն սեփական հարկի տակ ընդունեց կատալոնական «Բարսելոնա»-ին:

Հանդիպման 53-րդ րոպեին Մարտին Դեմիկելիսը տուգանային մատույցներում կոպիտ խաղալով Մեսսիի դեմ, հեռացվեց խաղադաշտից:

 Կասկածելի իրավիճակում մրցավարը նշանակեց 11 մետրանոց հարված, որն անվրեպ իրացրեց արգենտինացի գոլահարը:

 Հանդիպման 90-րդ րոպեին Դանի Ալվեշը կրկնապատկեց հյուրերի առավելությունը: «Բարսելոնա»-ն հաջորդ փուլի ուղեգիր ստանալու լուրջ հայտ ներկայացրեց:

 
Լեւերկուզենի  «Բայեր»-ը հյուրընկալեց ֆրանսիական ՊՍԺ-ին:

Հյուրերը կոտրեցին գերմանական ակումբի` հաջորդ փուլ դուրս գալու բոլոր հույսերը:

Արդեն 3-րդ րոպեին Բլեսե Մատուիդին առաջ մղեց ֆրանսիական ակումբին:

39-րդ րոպեին Զլատան Իբրահիմովիչը 11 մետրանոց տուգանային հարվածով հաշիվը կրկնապատկեց, որից 3 րոպե անց, դառնալով դուբլի հեղինակ, հաշիվը դարձրեց 3:0: 

 59-րդ րոպեին տանտերերը ստիպված էին խաղը շարունակել 10 հոգով: Կարմիր քարտի արդյունքում խաղադաշտից հեռացվեց «Բայեր»-ի պաշտպան Էմիր Սպահիչը:

 88-րդ րոպեին Յոհան Կաբայը ձևակերպեց խաղի վերջնական հաշիվը՝ 4:0: