ԱԺ խմբակցությունների գործունեությունը 2013 թվականին (ինֆոգրաֆիկա)

5-րդ գումարման Ազգային ժողովն ունի 6 խմբակցություն: Պատգամավորական խմբեր չկան: Խորհրդարանում են Հանրապետական, «Բարգավաճ Հայաստան», «Օրինաց երկիր», «Հայ Յեղափոխական Դաշնակցություն», «Ժառանգություն» կուսակցություններն ու «Հայ ազգային կոնգրես» դաշինքը, որոնք հանդես են գալիս համանուն խմբակցություններով: 2 պատգամավոր էլ ընդգրկված չէ որեւէ խմբակցության կազմում` հանդես են գալիս որպես ազատ պատգամավորներ:

Հասկանալու եւ գնահատելու համար, թե ինչ աշխատանքներ է կատարել խմբակցություններից յուրաքանչյուրը, պետք է նայել դրանց գործողությունների դինամիկային` քվեարկությանը, ակտիվությանը, քանի անգամ են հարցեր բարձրացնել, քանի անգամ են հանդես եկել հայտարարություններով, քանի անգամ են դեմ, կողմ կամ ձեռնպահ քվեարկել, բացակայել եւ այլն: Ընդ որում` այդ ամենը պետք է դիտարկել` հաշվի առնելով խմբակցություններում ընդգրկված պատգամավորների թիվը:

Parliamentmonitoring.am-ը պարբերաբար կատարում է այդպիսի դիտարկումներ, ստորեւ ներկայացվող ինֆոգրաֆիկայում օգտագործվել են  կայքի մշտադիտարկմամբ արձանագրված արդյունքները: