″Մեղավորը″ դրո՞շն էր

ԱԺ «Ժառանգություն» խմբակցության պատգամավոր Զարուհի Փոստանջյանն այսօր ոչ մի կերպ չէր կարողանում գնալ Հյուսիսային պողոտա, որտեղ ոստիկանները փակել էին «Ժառանգության» անդամ Արմեն Մարտիրոսյանի ճանապարհը:

Նախ` Աբովյան փողոցում Փոստանջյանի առջեւ պատ կազմեցին ոստիկանները, որոնք շուրջ 30 րոպե ճշտում էին, թե արդյոք «վերեւներից» թույլ կտան Փոստանջյանի տեղաշարժը: Այդ ընթացքում Փոստանջյանը փորձեց միանալ ոստիկանապետի հետ, սակայն նրան պատասխանեցին, որ ոստիկանության մամլո պատասխանատուն միայն կարող է հարցին պատասխան տալ:

Ոստիկանության մամլո պատասխանատու Արմեն Մալխասյանն էլ խոստացավ ճշտել, թե ինչո՞ւ են Փոստանջյանի ազատ տեղաշարժին խոչընդոտում` հավելելով, որ իրենց կայքէջում դրված են բոլոր պարզաբանումները:

20-30 րոպե անց Փոստանջյանի հետ կապվեց ՀՀ գլխավոր ոստիկանապետ Վլադիմիր Գասպարյանը, որ պատասխանեց, թե` «ինձ 2 րոպե տվեք, ճշտեմ»:

30 րոպե հետո Փոստանջյանի հետ կապվեց ՀՀ փոխոստիկանապետ Հունան Պողոսյանի հետ, որից հետո միայն ոստիկանները թույլատրեցին Փոստանջյանին տեղաշարժվել դեպի Հյուսիսային պողոտա, բնականաբար, Փոստանջյանի անվտանգության համար էլ ուղեկցելով վերջինիս: