Չորս բրոնզե մեդալ` Սամբոյի աշխարհի երիտասարդական առաջնությունից

 Հոկտեմբերի 10-13-ը  Հունաստանի Սալոնիկ քաղաքում կայացավ Սամբոյի երիտասարդների աշխարհի առաջնությունը: Հայաստանից 52 կգ քաշային կարգում ԲԿՄԱ-Երևանը ներկայացնող Գրիգոր Մխիթարյանը գրավեց 3-րդ տեղը: Էդիկ Պողոսյանը, 90 կգ քաշային կարգում, նույնպես նվաճեց բրոնզե մեդալ:

Տղաներից հետ չմնացին աղջիկները. երևանցիներ` Երջանիկ Կարապետյանը (48 կգ) և Ռոզա Խաչատրյանը (52կգ) ևս գրավեցին 3-րդ հորիզոնականը`ավելացնելով բրոնզե մեդալների թիվը. հայտնում է msy.am-ը:

«Մեր  հնարավորություններն ավելի մեծ էին, սա միջին արդյունք է, մանավանդ, որ Եվրոպայի 3 չեմպիոնից 2-ը բրոնզե մեդալ է բերել: Նոյեմբերին Սանկտ-Պետերբուրգում կայանալու է Մեծերի աշխարհի առաջնությունը, լիահույս եմ, որ մեր մարզիկներն այս բացն այնտեղ կլրացնեն»,- ասել է Հայաստանի սամբոյի ֆեդերացիայի  նախագահ Լևոն Հայրապետյանը: