Եթե տղամարդ լինեիք, Ձեր գլուխը կջարդեի. Ռոբերտ Ամիրխանյանը` Աղասի Այվազյանի կնոջը

Երկար ժամանակ է, ինչ խոսակցություններ են շրջանառվում, թե «Երազ իմ երկիր հայրենի» երգի խոսքերի հեղինակը ոչ թե Ռոբերտ Ամիրխանյանն է, այլ Աղասի Այվազյանը: Այսօր լրագրողների հետ զրույցում Աղասի Այվազյանի կինը` Գրետա Այվազյանը, մեկ անգամ եւս հավաստիացրեց, որ երգի բառերի հեղինակը Աղասի Այվազյանն է:

«Տարիներ առաջ ես հանդիպեցի Ռոբերտ Ամիրխանյանին: Նա ինձ հարցրեց` արդյոք ինչպե՞ս եք ապացուցելու այդ փաստը: Ես ասացի, որ դատարան եմ տալու: Նա ինձ ասաց` եթե տղամարդ լինեիք, Ձեր գլուխը կջարդեի»,- պատմեց տիկին Այվազյանը` հավելելով, թե չի կարծում, որ այն կոմպոզիտորն, ով մաքուր չէ իր արարքներում, լավ կոմպոզիտոր է: