Վենեսուելան վտանգավոր է մազերի համար

Վենեսուելացի կանայք տառապում են նոր տիպի հանցագործությունից. եթե նախկինում նրանց մտահոգում էր դրամապանակների եւ բջջային հեռախոսների ապահովությունը, ապա այժմ` նաեւ մազերի:

Վենեսուելական Սուլիա նահանգի առեւտրի կենտրոններում կանանց գեղեցիկ ու որակյալ մազերի համար իսկական որս է իրականացվում, ընդ որում` որսորդները նույնպես կանայք են. տեղեկացնում է РИА Новости-ն: Նրանք ակնթարթորեն հարձակվում են  զոհի վրա ու կտրում նրա մազերը, որոնք հետագայում բարձր գներով վաճառում են վարսավիրանոցներում: Հաճախ հանցագործ կանայք, որոնց «պիրանիա» են արդեն անվանում, զենքով են իրենց ուզածին հասնում:

«Պիրանիաներին» պատասխանատվության ենթարկելը գործնականում անհնար է, քանի որ վենեսուելական օրենքներով մազերի գողությունը չի հետապնդվում, խոսք կարող է գնալ միայն սպառնալիքների, հոգեբանակն ճնշման, զենքի կիրառման մասին: