Հինգ մեդալ՝ Քութայիսից

Հայաստանի սուսերամարտի պատանեկան հավաքականը հունիսի 8-10-ը Վրաստանի Քութայիս քաղաքում մասնակցել է   միջազգային մրցումների և  նվաճել են 5 մեդալ. հայտնում է msy.am-ը:

Խոցասուսերակիր Էմմա Պողոսովան դարձավ աղջիկների խոցասուսեր մրցաձևի հաղթող, տղաների ճկասուսեր  մրցաձևում  2-րդ տեղը գրավեց  Արաբկիր վարչական շրջանի «Ալբերտ Գրիգորյանի» անվան սուսերամարտի մարզադպրոցի սան Էմիլ Դանիելյանը, 3-րդ տեղը` Երևանի հրաձգության-սուսերամարտի մանակապատանեկան մարզադպրոցի սան Մայքլ Հովհաննիսյանը: Խոցասուսեր տղաներ մրցաձևում 3-րդ տեղը զբաղեցրեց Նորագավիթի սուսերամարտի մարզադպրոցի սան Էդուարդ Հովիկյանը, իսկ խոցասուսեր աղջիկներ մրցաձևում 3-րդ տեղը զբաղեցրեց  «Քեթրին»սուսերամարտի ակումբը ներկայացնող Արփինե Աթոյանը:

Մրցաշարին Հայաստանից մեկնել էր 10 մարզիկ, որոնցից 5-ը դարձան մեդալակիր: