Չորս նոր նշանակում` կառավարության կազմում

ՀՀԿ ԳՄ եւ Խորհրդի նիստերի ժամանակ, որը վարել է կուսակցության ղեկավար Սերժ Սարգսյանը, ամփոփվել են Երեւանի ավագանու ընտրությունները, քննարկվել է կառավարության նոր կազմը եւ այլ հարցեր: Նիստի ընթացքում որոշվել է կառավարության աշխատակազմի ղեկավարին նաեւ նախարարի ֆունկցիայով օժտել, ով էլ հիմնականում կհամակարգի կառավարության բարեփոխումները:

Այսպիսով` ֆինանսների նախարար Վաչե Գաբիելյանը կլինի կառավարության աշխատակազմի ղեկավար, նախարար:

Կառավարության աշխատակազմի ղեկավար Դավիթ Սարգսյանը կնշանակվի ֆինանսների նախարար:

Սպորտի եւ երիտասարդության հարցերի նախարարի պաշտոնում ՀՀԿ-ն առաջադրել է Յուրի Վարդանյանի թեկնածությունը:

Էկոնոմիկայի նախարար Տիգրան Դավթյանին կփոխարինի նախկին նախարար Վահրամ Ավանեսյանը:

Տիգրան Դավթյանը կլինի Առեւտրի համաշխարհային կազմակերպությունում Հայաստանի ներկայացուցիչը:

Փոխվարչապետ, տարածքային կառավարման նախարար Արմեն Գեւորգյանը կշարունակի պաշտոնավարել, մնացած բոլոր նախարարները` նույնպես:

ՕԵԿ-ը կպահպանի իր պորտֆելները:

Մարզպետների հարցը չի քննարկվել: «Պետք է դանդաղ շտապել»,- լրագրողների հետ զրույցում նշեց Շարմազանովը: