''Արմավիա''-ն պաշտոնապես չի գործի ապրիլի 1-ից

«Արմավիա» ավիափոխադրողն ապրիլի 1-ից դադարեցնում է չվերթերը: Այս մասին ասված է ընկերության տարածած հաղորդագրության մեջ:

«Ավիացիան այն ոլորտն է, որտեղ չի կարելի կանգ առնել ձեռքբերումների վրա: Երեք տարվա ընթացքում «Արմավիա» ընկերությունը միջոցներ է ներդրել այլ բիզնեսներից «Արմավիա»-ի զարգացումը պահպանելու համար: Սակայն, այսօրվա դրությամբ, իրավիճակն այնպիսին է, որ այդկերպ աշխատանքը շարունակելու հնարավորություն չկա, ուստի որոշում է կայացվել դադարեցնել թռիչքներն ու սկսել սնանկության գործընթաց: Ընկերությունը շնորհակալություն է հայտնում բոլոր ուղեւորներին, որոնց հետ աշխատել է բոլոր 12 տարիներին եւ հաջողություն է մաղթում»,- նշված է հաղորդագրության մեջ: